No vindeiro curso académico estreamos unha nova modalidade para cursar o Máster Interuniversitario en Economía. Trátase dunha formación totalmente a distancia que permite ao alumnado cursar o máster dende calquera parte do mundo, sempre que exista unha institución na que o alumno poida realizar os exames presenciais. Esta metodoloxía está dirixida principalmente a persoas procedentes doutros países de fala hispana, profesionais despregados en misións exteriores, e profesionais en activo que queiran compaxinar o seu traballo ao tempo que completan a súa formación.

Accede ás clases dende calquera lugar

A metodoloxía docente consiste en clases en streaming a través da plataforma de videoconferencia Emeeting. Ademais, o/a alumno/a ten dispoñible unha plataforma docente (Faitic) onde os profesores colocan os materiais e probas de avaliación. 

Sen necesidade de grandes requirimentos técnicos

Para poder acceder aos contidos o alumno só precisa un ordenador, Tablet, teléfono móbil ou outro dispositivo con boa conexión a internet.

Matricúlate xa!

O alumnado que esté interesado nesta opción terá que poñerse en contacto coa Secretaría do Máster para confirmar que cumpre as condicións para poder cursar esta modalidade. Os prazos de inscrición e matrícula serán os mesmos que para a modalidade presencial, pero os alumnos deberán realizar todos os trámites a través da Universidade de Vigo.


0 Comments

Deixa unha resposta

O teu enderezo electrónico non se publicará Os campos obrigatorios están marcados con *