Bolsas e Axudas

Convocatoria: Bolsa de inicio de Máster para persoas desempregadas - Xunta de Galicia

• Prazo: ~Setembro
• Obxecto: Axudas destinadas a persoas tituladas universitarias en situación de desemprego para a matrícula nun máster universitario oficial nas universidades galegas.
• Requisitos xerais: Atoparse en situación de desemprego, ter rematados os estudos universitarios que dan acceso aos estudos de máster, ter formalizado a matrícula  nun máster dun mínimo de 60 créditos, non atoparse nos casos de beneficios e exención de matrícula dos artidgos 11 e 12 do Decreto 103/2021, e non ter gozado antes desta axuda.
• Máis información

Convocatoria: Premios Fin de Carreira da Xunta de Galicia

• Prazo: ~Abril
• Obxecto: Convocar os premios de fin de carreira para o alumnado que rematou brillantemente os seus estudos universitarios de grao no presente curso académico nas universidades galegas.
• Requisitos xerais: Ter cursado os estudos nunha universidade galega, rematala titulación no ano previo, ter un expediente académico con media de 8,50 ou superior en ramas de Arte e Humanidades, Ciencias Sociais e Xurídicas.
• Máis información

Convocatoria: Premio Excelencia Académica Grao da Xunta de Galicia

• Prazo: ~Abril
• Obxecto: Convocar os premios de excelencia académica de grao para o alumnado universitario que tivese mellores calificacións no curso académico das universidades do SUG.
• Requisitos xerais: Non estar en posesión dunha titulación universitaria oficial, nota media superior ou igual a 8,00 e diferentes requisitos en función a se se cursa un grao ou un programa de simultaneidade. 
• Máis información

Convocatoria: Bolsa para o inicio de estudos en Máster oficial 

• Prazo: ~Decembro - Febreiro
• Obxecto: Financiar os prezos públicos derivados da matrícula do alumnado que inicia os estudos de máster oficial.
• Requisitos xerais: Ter nacionalidade española, dalgún país da UE ou de terceiros países que acrediten residir en España. Ter formalizada a matrícula por primeira vez nun máster con 60 créditos, ter nos estudos anteriores unha media mínima de 7,00 e non ter unha titulación universitaria similar ou superior. Tamén existen requisitos económicos e de patrimonio.
• Máis información

Convocatoria: Becas Santander Estudos Progreso

• Prazo: ~Xuño-Outubro
• Obxecto: Facilitar o acceso á educación superior aos estudantes cos mellores expedientes académicos de calquera curso de grao ou máster e que recibisen unha bolsa de carácter xeral do Ministerio no presente curso académico.
• Requisitos xerais: Estar matriculado no curso 2022/2023 nalgunha das titulacións de grao ou mestrado da Universidade de Vigo, ter concedida no curso 2021/2022 bolsa xeral do MEFP e ter unha nota media igual ou superior a 8,5 puntos no curso 2021/2022
• Máis información

Convocatoria: Premios á excelencia académica para inicio de estudos de mestrado oficial

• Prazo: ~Xullo-Setembro
• Obxecto: Incentivar a cultura de mérito e a excelencia, a través do recoñecemento ao alumnado cos mellores resultados académicos nos estudos previos ao ingreso nos estudos de mestrado da Universidade de Vigo.
• Requisitos xerais:  Ter fomalizado a matrícula por primeira vez en estudos de mestrado oficial en centros da Universidade de Vigo ou centros adscritos de titularidade pública que imparten titulación non impartidas en centros propios e obter unha nota media ponderada igual ou superior a 1,00.
• Máis información

Convocatoria: Premios ao mellor TFG/TFM en Axenda 2030, cooperación ao desenvolvemento e RSU-UVIGO

• Prazo: ~Xullo-Setembro
• Obxecto: O recoñecemento dos traballos de fin de grao e mestrado que se distingan por ser especialmente relevantes en temáticas relacionadas coa Axenda 2030, a cooperación no desenvolvemento e a responsabilidade social, facilitando a gratuidade da matrícula nos estudos que supoñan a continuación dos xa cursados.
• Requisitos xerais: Ter superado o TFG ou TFM durante o anterior curso académico cunha cualificación igual ou superior a 8,5 e a temática ten que estar relacionada coa Axenda 2030, a cooperación no desenvolvemento ou a responsabilidade social corporativa.
• Máis información

Convocatoria: Bolsas de iniciación a investigación de máster da USC

• Prazo: 10 días naturais desde o día seguinte á publicación desta convocatoria no taboleiro electrónico da USC
• Obxecto: Promover o acceso e a iniciación á investigación para estudantes que formalizaran a matrícula nun máster oficial da USC que demostraron un alto nivel de rendemento académico no grao, a través dun plan de formación básica en investigación centrado nun traballo de investigación supervisado.
• Requisitos xerais: Ter formalizado a matrícula nun máster oficial da USC no presente curso académico e non percibir ningunha axuda económica/bolsa incompatible.
• Máis información

Convocatoria: Convocatoria Bolsas Santander estudos Erasmus

• Prazo: ~Xaneiro-Febreiro
• Obxecto: Axuda económica e plan de emprego consistente en talleres en liña sobre desenvolvemento de competencias que se ofrecerán a todos os beneficiarios antes de comezar a súa experiencia Erasmus
• Requisitos xerais: Ter formalizado a matrícula en estudos oficiais na Universidade da Coruña tanto no curso anterior, momento de solicitar a mobilidade Erasmus+, como no curso do momento de realizar a estancia Erasmus+ no estranxeiro, ser beneficiario dunha mobilidade física Erasmus de estudos ou prácticas no marco das convocatorias de mobilidade internacional da UDC para o curso 2022/23, realizar a inscrición previa en liña no programa de Bolsas do Banco de Santander a través da ligazón na páxina web www.becas-santander.com, ter unha conta bancaria aberta a nome do/da estudante beneficiario/a no Banco Santander S.A
• Máis información

Convocatoria: Bolsas Santander progreso 

• Prazo: ~Novembro
• Obxecto: Facilitar o acceso á educación superior aos estudiantes cos mellores expedientes académicos de calquera curso de grao ou máster e que recibisen unha bolsa de carácter xeral do Ministerio no presente curso académico.
• Requisitos xerais: Estar inscrito previamente no Programa de Bolsas Santander Progreso, estar matriculado no presente curso nalgunha das titulacións da UDC, ter concedida a Bolsa Xeral do MEFP e dispor dun dos mellores expedientes académicos do anterior curso.
• Máis información

Convocatoria: Bolsa de Excelencia á Mocidade Exterior - Xunta de Galicia

• Prazo: Convocatoria anticipada Xaneiro-Abril e convocatoria ordinaria Xuño-Xullo
• Obxecto: Bolsas dirixidas a persoas galegas que residan no estranxeiro e teñan titulación universitaria de grao, licenciatura, arquitectura, enxeñaría, arquitectura técnica ou enxeñaría técnica. 
• Requisitos xerais: Ter menos de 40 anos, nacionalidade española, residir fóra de España, poder acreditar un mínimo de dous anos de residencia fóra de España inmediatamente anterior  e estar vinculado a Galicia dalgunha das formas requeridas.
• Máis información

Convocatoria: Programa ÁFRICA-MED MASTER - AECID

• Prazo: Finais de Xaneiro - principios de Febreiro
• Obxecto: Programa de becas para ciudadanos de países de África e Oriente Medio, incluidos nas estratexias bilaterais do V Plan Director da Cooperación Española ou receptores da Axuda Oficial para o Desenvolvemento (AOD).
• Requisitos xerais: Ser nacional dalgún dos países da listaxe, non ser bolseiro da AECID nin da Fundación Carolina dende 2011-2012, posuir a titulación necesaria para cursar os estudos, tramitar á vez a preadmisión no centro de destino, ter coñecementos de español e non atoparse nalgunha das prohibicións sinaladas no artigo 13.2 da Lei Xeral de Subvencións. 
• Máis información

Convocatoria: Programa MASTER - AECID

• Prazo: Finais de Xaneiro - principios de Febreiro
• Obxecto: Programa de becas de Máster para funcionarios e persoal integrado nos sistemas públicos de países de América Latina, incluidos nas estratexias bilaterais do V Plan Director da Cooperación Española, e Filipinas. 
• Requisitos xerais: Ser nacional dalgún dos paises da listaxe, non ser bolseiro da AECID nin da Fundación Carolina dende 2011-2012, posuir a titulación necesaria para cursar os estudes, tramitar á vez a preadmisión no centro de destino , ter conocementos de español e non atoparse nalgunha das prohibición sinaladas no artigo 13.2 da Lei Xeral de Subvencións. 
• Máis información