Santiago García López, alumno do Máster en Economía, faise cun accésit do III premio UDC Sustentabilidade

A sustentabilidade é unha liña estratéxica da UDC na que participa a Vicerreitoría de Infraestruturas e Sustentabilidade a través da Oficina de Medio Ambiente (OMA). Entre as súas actividades, convocan o Premio UDC de Sustentabilidade, que quere contribuír ao recoñecemento dos traballos que achegan estudos e solucións á crise ambiental, ó económico e ó social.
Santiago García López, alumno do mestrado interuniversitario en economía, acadou un accésit nestes premios, grazas ao seu TFM titulado ‘O mercado europeo de dereitos de emisión e os sectores difusos. Análise dos factores determinantes das emisións do sector agrícola e gandeiro español’.
O seu traballo foi titorizado por Carmen Gago-Cortés, investigadora da UDC. Nel desenvolve un modelo econométrico que trata de atopar variables sinxelas de obter e medir para, empregando como unidade de medida eses valores acadados, incorporar o sector agrícola e gandeiro ao mercado europeo de dereitos de emisión.  O estudo, en palabras do seu autor, ofrece unha primeira pincelada para lograr reducir emisións contaminantes, grazas á incorporación do  sector ao mercado europeo.

0 Comments

Deixa unha resposta

O teu enderezo electrónico non se publicará Os campos obrigatorios están marcados con *